Dil k us chote se kone me jaha wo bacchi rehti thi..
Har jaha, har pal jo chehakti thi.. waha bas gehra sannata hi sannata hai
Man aaj bhi karta hai thoda bahar nikal kar muskurane ka

Thoda sa asmaan niharne aur thoda gaane ka,
Choti choti cheeze karke man behlane ka.
Bas utne me hi aajati hai kuch baatein yaad.. ho jata man ekdum se udaas

Ek azaad panchi ki tarah udna tha mujhe, sabka man khushiyon se bharna tha mujhe..
Zindagi ko apne rang me rangna tha jise,
Bas ek ajeeb se paheli ho gayi wo

Dukh jo kisi ko samjh na aaye, sukh jo koi parakh na paye
Insaan jo koi suljha na paye, bas ek uljhan ho gayi hu main

Rishto ko pehle bhi dekha hai bikharte maine,
Aansu pehle bhi bahaye hai..
Iss baar kyu itna man bhaari hai..
Jaise haari maine dunia saari hai.

Aaj bhi man chahta hai khush ho wo jinse rishte the,
Sukoon ho unme jisse mere kisse the
Ho mere pass ya mujhse door.. bas ho unki aankhon me jannat ka noor

Meri mushkilo me main akeli hu, bahut uljhi hui ek paheli hu..
Koshish ki kai baar maine khudko jatane ki..
Lekin sabr shayad kahani hai bas kehlane ki